ObviousEat, servizo de reparto de comida a domicilio que en Santiago de Compostela e arredores traballa con preto de 70 restaurantes asociados, vén de sumarse ao programa do Carné Xove.

Aplicará un desconto do 10% sobre o total de produtos en todos os pedidos realizados a través de ObviousEat, tanto na aplicación móbil (ObviousEat España) como na páxina web (www.obviouseat.es), para calquera restaurante adherido á súa plataforma. Esta oferta é válida todos os días da semana para todas aquelas persoas titulares do Carné Xove que realicen un pedido a través das súas canles dixitais, xa sexa para entrega a domicilio ou para recoller no local.

Para beneficiarse do desconto é necesario descargar o código que hai que introducir na web de https://obviouseat.es/ no momento de realizar o pedido.
Descarga o teu código de desconto no seguinte enlace: https://carnexove.xunta.gal/gl/adheridos/obvious-eat
(Pincha no botón "Obter desconto", cubre os datos que che pide do teu Carné Xove e unha vez validado, sairache a seguinte mensaxe: “Xa podes descargar o teu código de desconto premendo nesta ligazón”)

* Un código só sirve para facer un único pedido. Para xerar outro código debes esperar 24 horas.